خبرگزاری راسک: وزارت امر به معروف و نهی از منکر گروه طالبان، به‌تازگی گفته‌است که معتادان مواد مخدر نیازمند توصیه‌های دینی هستند.
این وزارت که روز شنبه، ۱۴دلو/ بهمن، از مرکزهای نگهداری معتادان دیدن کرده، گفته که باید به معتادان در مرکزهای نگهداری با توصیه‌های دینی انگیزه داده شود.
در همین‌حال، وزارت امر به معروف و نهی از منکر گروه طالبان هم‌چنان گفته‌است که توصیه‌های دینی می‌توانند در درمان شدن معتادان کمک کنند.
این درحالی‌ست که گروه طالبان پیش از این اعلام کرده بودند که در دوسال پسین، شمار زیادی از معتادان را از سراسر کشور جمع‌آوری کرده و به درمان‌گاه‌ها فرستاده‌اند.
گفتنی‌ست، شماری از معتادانی که در درمان‌گاه‌ها فرستاده شدند، از روند تداوی شکایت کرده و گفته‌اند که در درمان‌گاه‌ها با چالش‌های متعددی روبه‌رو هستند.
