خبرگزاری راسک: مقامهای تاجیکستان اعلام کرده‌اند که نیروهای ویژه‌ی عملیاتی ضد تروریستی این کشور؛ سه تن از جنگجویان گروه جماعت انصارالله را در خط مرزی افغانستان و تاجیکستان کشته‌اند.
به نقل از این مقامهای تاجیکستانی؛ این جنگجویان روز گذشته سهشنبه ۱۴ شهریور/سنبله هنگامی که از خط مرزی افغانستان وارد خاک تاجیکستان در منطقه‌ی کوران درواز شده و تحت تعقیب نیروهای ویژه‌ی عملیات ضد تروریستی آنان قرار گرفتهاند.
مقامات دولتی تاجیکستان ادامه دادهاند پس از اینکه جنگجویان وارد خاک تاجیکستان شدند، نیروهای ویژه‌ی عملیاتی ضد تروریستی تاجیکستان به آنان امر تسلیم دادند، اما آنان با نیروهای ویژه درگیر شدند.
براساس اطلاعات منتشر‌شده، سه تن از جنگجویان گروه جماعت انصارالله که به طالبان تاجیکستانی نیز شهرت دارند، پس از درگیری کشته‌شده و شماری از جنگ‌افزار ها نیز از آنان باقی‌مانده‌است.
خبرگزاری دولتی خاور تاجیکستان نیز گزارش دادهاست که جنگافزارهای باقی‌مانده از این جنگجویان نوع ام ۱۶ و ام ۴ آمریکایی بودهاند و تحقیقات در این مورد آغاز شدهاست.
از سوی هم منابع محلی در استان بدخشان در شمال افغانستان تایید کردند که این جنگجویان از مربوطات شهرستان درواز استان بدخشان وارد خاک تاجیکستان شده بودند.
پیش از این مقامهای تاجیکستانی از فعالیتهای گروه‌های تروریستی در افغانستان ابراز نگرانی کرده و نیروهای بیشتر نظامی را در خط مرزی افغانستان جابجا کرده بودند.
هر چند گروه طالبان ادعا دارند که در افغانستان گروه‌های تروریستی را از بین بردهاست، اما روی‌دادهای که صورت میگیرد نشان میدهد که تاهنوز هم گروه‌های تروریستی و جنایتکار در افغانستان فعالیت دارند.
قبل از این در خط مرزی افغانستان و اوزبیکستان نیز فعالیتهای تخریبی گزارش شده بود و افراد که وابسته به گروه‌های تروریستی بودند از ساحه‌ی حیرتان بالای خاک اوزبیکستان با استفاده از جنگافزارهای سنگین و راکت‌انداز شلیک کرده بودند.
