خبرگزاری راسک: به گزارش رادیو و تلویزیون ملی تحت اداره‌ی گروه طالبان به نقل از محمود عمر آسوزاده، رییس شرکت دولتی برق تاجیکستان، صادرات برق این کشور به افغانستان افزایش یافته‌است.
تلویزیون ملی روز پنج‌شنبه، ۲۶دلو/ بهمن، گزارش داده که آقای آسوزاده گفته‌است، برق صادراتی تاجیکستان به افغانستان در سال روان میلادی، ۱۷ درصد افزایش یافته‌است.
در همین‌حال، آقای آسوزاده هم‌چنان گفته‌است که در سال ۲۰۲۴ میلادی، تامین برق افغانستان ۱.۹ میلیارد کیلووات تخمین زده شده‌است.
این درحالی‌ست که پیش‌تر رییس اجرایی شرکت برق تحت مدیریت گروه طالبان و رییس شرکت سهامی برق تاجیکستان قرارداد خرید برق را امضا کردند که براساس این قرار داد، گروه طالبان در سال ۲۰۲۴، از تاجیکستان برق خریداری می‌کنند.
گفتنی‌ست، برق افغانستان بیش از ۷۰ درصد صادراتی است که این برق از کشورهای ایران، تاجیکستان، ترکمنستان و اوزبیکستان تامین می‌شود.
