خبرگزاری راسک: منابع می‌گویند هبت‌الله آخندزاده، ره‌بر طالبان در مراسم خاک‌سپاری خلیل‌الرحمان حقانی، وزیر مهاجرین این گروه، شرکت نکرده‌است.
پیش از این برخی از مقام‌های طالبان اعلام کردند که ملاهبت‌الله در مراسم خاک‌سپاری حقانی شرکت می‌کند.
مراسم تشییع جنازه خلیل حقانی با حضور شماری از مقام‌های طالبان روز ام‌روز (پنج‌شنبه) تحت تدابیر شدید امنیتی در پکتیا برگزار شد.
در تصاویر نشر شده از مراسم خاک‌سپاری حقانی، شماری از مقام‌های طالبان از جمله مولوی عبدالکبیر، معاون سیاسی ریاست‌الوزرا، سراج‌الدین حقانی و امیرخان متقی، وزیران داخله و خارجه‌ی طالبان دیده می‌شوند.
این مراسم در شهرستان گردی سیری پکتیا برگزار شده است.
تصاویر از این مراسم نشان می‌دهد که نیروهای طالبان در محل مستقر شده و هلیکوپتر مدام در حال گردش است.
ملاهبت‌الله در حالی در خاک‌سپاری حقانی شرکت نکرده، شماری از تحلیل‌گران باورمند هستند تیم قندهار(ره‌بر طالبان) در قتل حقانی دست دارند.
بااین حال، داعش مسوولیت حمله به حقانی را به‌عهده گرفته است.
